Ambasada Gjermane në Prishtinë ka njoftuar për vizitën zyrtare të Johann Saathoff, Sekretar Parlamentar i Shtetit pranë Ministrit Federal për Bashkëpunim Ekonomik dhe Zhvillim të Gjermanisë, i cili do të qëndrojë në Kosovë më 22 dhe 23 gusht 2025.

Gjatë qëndrimit të tij, të premten, Saathoff do të vizitojë Iniciativën për Inovacion dhe Parkun e Trajnimeve në Prizren (ITP), një projekt model i përkushtuar ndaj inovacionit, ndërmarrësisë, zhvillimit të bizneseve dhe përmirësimit të aftësive profesionale.

Programi i vizitës përfshin një sesion informues dhe një vizitë në disa nga kompanitë që veprojnë brenda ITP-së.

Pas vizitës në terren, në hapësirat e projektit do të mbahet një konferencë për shtyp, ku Sekretari Parlamentar do të mbajë një deklaratë dhe do të jetë i gatshëm t’u përgjigjet pyetjeve të gazetarëve.